پەیامی پیرۆزبایی فیدراســـیۆنی ژنانی دیاســپۆڕای کوردســتانی، بەبۆنەی جەژنی رۆژووی ئێزیدییەکان

پەیامی پیرۆزبایی فیدراســـیۆنی ژنانی دیاســپۆڕای کوردســتانی، بەبۆنەی جەژنی رۆژووی ئێزیدییەکان

بەبۆنەی هاتنەوەی جەژنی ڕۆژووی ئێزدییەکان، گەرمترین پیرۆزبایی خۆمان لە میری ئێزدیان و جڤاتی ڕۆحانی و تەواوی خوشک و برایانی ئێزدی لە هەرێمی کوردستان و عێراق و جیهان ئەکەین.

جەژنی “ڕۆژووی فەقیران”ـە کە دوای سێ ڕۆژ بە ڕۆژوو بوون، لەلایەن ئێزدییەکانەوە پیرۆز دەکرێت.

بەپێی ڕۆژمێری شەنگال‌، ڕۆژووی فەقیران‌ ڕۆژی سێشەممە دەستیپێکردووە و چوارشەممە و پێنجشەممە بەردەوام بووە، ئەمڕۆ هەینی ڕۆژی جەژنە.

لە چوارچیوەی ئەو جەژنەدا بەشێک لە خەڵکی ناوچەکە و دەوروبەری دەستپێک دەچنە سەرقەبران و دوای ئەوەش بە سەردانیکردنی یەکتر جەژنە پیرۆزە دەکەن.

شایانی ئاماژەپێدانە کە خوشک و برا ئێزیدییەکانمان سەرەڕای ئەو زوڵم و زۆردارییەی کە لەلایەن دوژمنانی مرۆڤایەتی، و دوژمنانی کورد لێیان کرا، بەڵام ئەوان بەردەوام خۆڕاگربوون، بەسەربەرزی رووبەڕووی ئاڵنگارییەکان بوونەوە، و سووربوون لەسەر پاراستنی پایەو پێگەی خۆیان.

بەم بۆنەیەوە ئومێدەوارین ئێزیدییەکان لە کەشێکی ئاشتی و خۆشیدا ئەو جەژنە بەسەر ببەن. هاوکات هیواخوازین لەداهاتوویەکی نزیک خوشک و برا کوردە ئێزدییەکانمان بگەڕێنەوە ناوچەکانیان، و زێدی بابو باپیرانیان ئاوەدان بکەنەوە، و ژیانێکی ئارام سەقامگیر بەسەربەرن.

فیدراســـیۆنی ژنانی دیاســپۆڕای کوردســتانی

٢٠/١٢/٢٠٢٤