ساڵیادی ڕیفراندۆمی سەربەخۆیی کوردستان پیرۆزبێت

ساڵیادی ڕیفراندۆمی سەربەخۆیی کوردستان پیرۆزبێت

ساڵیادی رۆژی دەنگدان بەسەربەخۆیی کوردستان، و ریفراندۆمی سەربەخۆیی لەسەرجەم سەربەخۆخوازان پیرۆز دەکەین.

گەلی کوردستان خاوەن خەباتێکی پڕ سەروەریی و کۆڵنەدانە، خەباتی بزوتنەوەی رزگاریخوازی کورد لەپێناو سەربەخۆیی و بنیادنانی دەوڵەتی کوردی بووە، ھەر لەو پێناوەشدا بەردەوام لەشۆرش و قوربانیداندابووە، و ھەوڵیداوە وەک نەتەوەکانی دیکەی جیھان خاوەن دەوڵەت بێت، تاوەکو ناسنامە و ئاڵا و خاکەکەی کە کوردستانە بۆ ھەمیشە پارێزراو و سەر بڵند بێت.

ریفراندۆم لەمێژووی ھاوچەرخی کورددا رۆژێکی گرنگ و پڕ بەھایە، کەتیایدا ھەموو خەڵکی کوردستان بریاریاندا چیتر ژێردەستەیی و زەلیل بوون قبوڵ ناکەن و لە٩٣٪‏ بە بەڵێ دەنگیان بە سەربەخۆیی کوردستان دا. ریفراندۆم پرۆژەیەکی نیشتمانی سەرجەم لایەنە سیاسیەکان و جەماوەری کوردستانە، و توانی شانازییەکی گەورە بۆ کوردستانیان تۆمار بکات، و ببێتە پرۆژەیەکی زیندووی نەتەوەیی.

ئەم یادە ھەر شکۆداربێت، و وڵاتمان ئاوەدان و ئارام بێت.

فێدراسیۆنی ژنانی دیاسپۆرای کوردستانی

٢٥ی ئەیلولی ٢٠٢٤