< Back

فیدراسیۆنی ژنانی دیاسپۆڕای کوردستانی لە ئەمریکا ٨ی مارس ڕۆژی ژنانیان بەرز ڕاگرت

لەنیوەڕۆخوانێکدا خانمانی شێرەژن لە شاری Bismarck ND، کە پێکهاتبوون لە خاتوو جیهان بریفکی بەرپرسی فیدراسیۆنی ژنانی دیاسپۆڕای کوردستانی لە ئەمریکا، و هاوکات وەک وتاردەری سەرەکی بە گێڕانەوەی هێز و پابەندبوونی نەگۆڕی بە کۆمەڵگاکەیەوە جێ پەنجەیەکی نەسڕاوەی لای هەموو ئامادەبووان بەجێهێشت.

خاتوو جیهان بە گێڕانەوەی چیرۆکی تایبەتی خۆی بۆ ئامادەبووان و چۆنیەتی گەشتکردنی بۆ ئەمریکا کە بریتی بوو لە خۆڕاگری و ئیرادەی قووڵ، سەرنجی ئامادەبووانی بۆلای خۆی ڕاکێشا، و دووابەدووای ئەوە باسی لە دەربازبوونی لە گێژاو، و ڕۆیشتن بەناو وڵاتی تورکیادا کرد، و دوواجار بوونی دڵنەوایی و گەیشتنی بۆ ئەمریکا.

هەروەها جیهان لەدێژەی وتارەکەیدا وتی، بە گەیشتن بە فارگۆ، و ماڵە نوێیەکەی لە باوەش گرتووە، و لە هەمان کاتدا بە توندی پابەندی ڕەگ و ڕیشەی کوردبوونی خۆیەتی. هەر لە چوارچێوەی ئەم ڕۆحە دووانەیەدایە کە ڕێبازێکی داکۆکیکردنی داڕشتووە، ماندوو نەناسانە کار بۆ بەرەوپێشبردنی هاونیشتیمانەکانی و گرنگیدان بە بەرژەوەندییەکانیان دەکات.

جیهان بە باسکردن و هاوبەشکردنی ئەزموونە کاریگەرییە قووڵەکانی پەنابەریی خۆی لەسەر پەرەپێدانی بەرپرسیاریەتیەکەی ڕوونکردەوە، و باسی ئەو ئالنگارییانەی کرد کە ڕووبەڕووی بووەتەوە، ئەو وانانەی فێری بووە، و ئەو هێزەی کە لەناو خۆیدا دۆزیویەتیەوە.

هاوکات دەستبەکاربوونی لەگەڵ فیدراسیۆنی ژنانی دیاسپۆڕای کوردستانی بەردی بناغەی هەوڵەکانی داکۆکیکردنە، کە سەکۆیەکی بۆ دابینکردووە بۆ پەیوەندیکردن، بەهێزکردن و ئیلهامبەخشین بە کەسانی دیکە.

لە میانەی وتارەکەیدا جیهان جەختی کردەوە لەسەر

سۆز و خولیای بۆ نیشتمانەکەی و خەڵکەکەی بە بەڕادەیەکی زۆر، و هاوکات گرنگی هاودەنگی و پشتیوانی لە دۆزی کورد، و داوا لە ئەمریکییەکان دەکات دان بە گرنگی بەشدارییەکانیان لە سەقامگیری و بەهێزکردنی کوردستاندا بنێن. پەیامەکەی لە ڕۆژی جیهانی ژناندا بە قووڵی دەنگی دایەوە، کاتێک تیشکی خستە سەر ئەو ڕۆڵە گرنگەی کە ژنان دەیگێڕن لە داڕشتنی داهاتووی کۆمەڵگا و نەتەوەکانیان.

لە کۆتایی قسەکانیدا جیهان هێزی پەیوەندی و کۆمەڵایەتی بیر هەمووان خستەوە. بانگەوازەکەی ڕوون بوو، کە دەیەوێت ئەمریکا لە پێناو ئازادی و کەرامەت و ئۆتۆنۆمیدا لەپشت گەلی کورد بوەستێت. جیهان بریفکی لە ڕێگەی داکۆکییە ماندوو نەناسەکەی و سەرکردایەتی ئیلهامبەخشەکەیەوە، نموونەی ڕۆحی خۆڕاگری و هێزی گۆڕینی بەخشندەیی دەخاتە ڕوو.

هەوەها پەیامەکەی جیهان بریفکی بۆ بەرەوپێش چوون، لێکتێگەیشتن و پشتیوانی لەنێوان گەلی کورد، و ڕێزگرتن لە دەنگی ئەو کەسانە کە خەبات بۆ دادپەروەری و یەکسانی دەکەن لە سەرانسەری جیهاندا.

فیدراسیۆنی ژنانی دیاسپۆڕای کوردستانی لە ئەمریکا

شەممە

٨/٣/٢٠٢٥