Peyama Federasyona Jinên Dîasporaya Kurdistanê jibo Bîranîna Sala 12emîn a Jenosîda Êzîdiyan

Xwişk û dayikên serbilind ên qurbaniyan û rizgarbûyên jenosîda Kurdên Êzîd

Di 3’ê Tebaxa 2014’an de, 12 sal berê, yek ji hovaneştirîn û nemirovaneştirîn sûcên sedsala nû li dijî yek ji pêkhateyên resen ên civaka me hate kirin. Di wê roja reş de, terorîstên DAIŞ’ê êrîşî Şengal û deverên derdora wê kirin. Di encama vê êrîşa hovane de, hezaran sivîl hatin koçberkirin, malên wan hatin wêrankirin, komkujî hatin kirin û gelek jin, zarok û mêr hatin revandin.
Em, wek Federasyona Jinên Dîasporaya Kurdistanê, vê bîranîna xemgîn wek beşek ji dîroka bi xwîn a gelê Kurd dibînin. Bi hurmet û rêzgirtinek mezin silava xwe ji bo berxwedana dayikên dilşewitî, jinên têkoşer û hemû malbatên vê trajediyê dişînin; wan kesan ku tevî hemû êş û zehmetiyan, nasnameya neteweyî û olî ya xwe parastin.
Xwişkên me yên bindestkirî… DAIŞ bi êrîşên xwe re birînên giran ên derûnî û laşî li ser jinên Êzîdî anîn. Bi tundetîya cinsî, destdirêjiyên her cure û hewildanên ji bo têkbirina nasname û guherandina demografiya herêmê, sûcên ku li gorî yasayên navneteweyî di çarçoveya Jenosidê û sûcên li dijî mirovahiyê de tên nirxandin, û qebul kirin.
Di vê bîranîna trajîk de, Federasyona Jinên Dîasporaya Kurdistanê, ligel ragihandina amadeya xwe ya tevahî ji bo piştgirîkirina malbatên û doza jenosîda Êzîdiyan, van daxwaz û bangewaziyan dubare dike:
[27/08/2026 14:40] Nask: Em bi lez daxwaza avakirin û çalakkirina dadgehek taybet li asta navneteweyî û nîştimanî dikin, da ku sûcdarên DAIŞ’ê ji ber sûcên ku li dijî jin û zarokên Êzîdî kirine werin dadgehkirin û cezakirin.
Em girîngiya lezgirtina hewildanên ji bo dîtin û azadkirina hemû jin û zarokên revandî yên ku hêj çarenûsa wan nayê zanîn, û herwiha pêşkêşkirina piştgiriya derûnî û civakî ji rizgarbûyan re, têxistin xala sereke.
Em ji Hikûmeta Federal a Iraqê dixwazin ku erkê xwe yê destûrî cih bîne; malbatên qurbaniyan bi awayekî dadperwerane bide qerebû, şert û mercên vegera bi rûmet a koçberan bo welatê wan amade bike û Peymana Şengalê bi cih bîne da ku herêm asayî bibe û ji nû ve were avakirin.

Em gavên parlamentoan û dewletên cîhanê yên ku vê trajediyê wek jenosîd nas kirine pîroz dikin û bang li civaka navneteweyî dikin ku hewildanên xwe ji bo parastina mafên pêkhateyên olî û neteweyî zêdetir bikin.
Bila di sala 12emîn a vê trajediyê de em hemû bi hev re li dijî hizrên tundrewî û tundûtûjiya li dijî jinan têbikoşin û hemû hewildanên xwe ji bo saxkirina birînên xwişkên me yên Êzîdî bikin.

Bi rûmet ji bo giyanên pak ên hemû şehîdên Kurdistanê û qurbaniyên jenosîda Êzîdiyan.
Silav ji bo berxwedana jinên Êzîdî û dayikên wan ên serbilind re dişînin.

Federasyona Jinên Dîasporaya Kurdistanê
3’ê Tebaxa 2026