سەر لەبەیانیی ئەمڕۆ، پێنجشەممە ٩ی ئۆکتۆبەری ٢٠٢٦، لە دووەمین ڕۆژی کۆنفرانسی لووتکەی سەرکردایەتیی G100 بۆ ساڵی ٢٠٢٦ کە لە وڵاتی پورتوگال بەڕێوەدەچێت، خاتوو ئارێز محەمەد، ئەندامی دەستەی بەڕێوەبردنی فێدراسیۆنی ژنانی دیاسپۆرای کوردستانی، بابەتێکی گرنگ و ستراتیژیی لەبارەی پێگە، تێکۆشان و دەستکەوتەکانی ژنی کورد پێشکەش بە بەشداربووان کرد. ئەم بەشدارییە کارایە وەک دەرفەتێکی گرنگ هەڵسەنگێنرا بۆ ناساندنی زیاتری خەباتی ژنانی کورد لە سەکۆ جیهانییەکاندا و گەیاندنی دەنگیان بە ناوەندە نێودەوڵەتییەکان.